108_Surah_Kausar.md

Number 108: Surah Kausar

Classification: Makki Rukus: 1 Ayahs: 3 Subject: Huzur ﷺ ko tassali Related Surahs: 105. Surah Fil, 106. Surah Quraysh and 107. Surah Maoon

Info

1. 105. Surah Fil ne taarikhi pasmanzar rakha.
2. 106. Surah Quraysh ne muaashi pasmazar rakha.
3. 107. Surah Maoon ne ikhlaqi pasmazar rakha.
4. Surah Kausar mein Huzur ﷺ ka zahoor ho raha hai.

Aap ﷺ ko khair-e-qaseer ataa farmaya gaya

1. Kausar: Kausar ki maane boht ziyada bhalai hota.
2. Hauz-e-Kausar: Jannat ka hauz.
3. Yahan jo bhi matlab liya jaye theek rahe ga. Matlab yahi hai ke Aap ﷺ ko bhot kuch de diya gaya jo insaan ki insaaniyat ke liye imtiaz ban sakta.

Namaz aor qurbani

1. Es azeem nemat ke baad Allah ko razi karne ke liye namaz aor qurabi karo.

Huzur ke dushman ka naam-o-nishaan mita diya jaye ga

1. Abtar: Abtar arabi mein usy kehty thy jiski nasal aagy na bharhe.
2. Jab Aap ﷺ ke bete ka inteqal howa to Aap ﷺ ke dushman Aap ﷺ ko ta'na diya ke Aap ﷺ ki nasal nahi chaly gi.
3. Uska jawab is surah me diya gaya hai ke Aap ﷺ ko kausar ataa kiya jaye ga, abtar Aap ﷺ nahi balke Aap ﷺ ke dushman hongy.
4. Aaj yeh baat Quran ki sach sabit hui hai. Huzoor ﷺ ko sari duniya jaanti hai lekin Aap ﷺ ke dushman ka zikar koi nai karta.