Sección III – Primeiros pasos

É importante destacar que SimpleNLG-gl é unha libraría [1], non unha aplicación. Isto quere dicir que non se pode executar como un programa Java xa que non ten un método ou módulo principal. É preciso crear un programa Java que empregue as súas clases e os seus métodos. Para utilizar a libraría SimpleNLG-gl é necesario:

• Descargar o arquivo .zip de SimpleNLG-gl.

• Extraer e engadir o arquivo .jar de SimpleNLG-gl ao classpath.

• Crear unha clase Java que conteña o método “main”. Neste exemplo, imos chamar á clase “TestMain”.

• Na parte superior da clase engadimos os seguintes “import”:

    import simplenlg.framework.*;
    import simplenlg.lexicon.*;
    import simplenlg.lexicon.galician.XMLLexicon;
    import simplenlg.realiser.galician.*;
    import simplenlg.phrasespec.*;
    import simplenlg.features.*;
  

• Crear un lexicon, NLGFactory e realiser:

    Lexicon lexicon = new XMLLexicon();
    NLGFactory nlgFactory = new NLGFactory(lexicon);
    Realiser realiser = new Realiser(lexicon);
  

Seguindo estes pasos, deberíase obter un código similar ao seguinte:

    import simplenlg.framework.*;
    import simplenlg.lexicon.*;
    import simplenlg.lexicon.galician.XMLLexicon;
    import simplenlg.realiser.galician.*;
    import simplenlg.phrasespec.*;
    import simplenlg.features.*;


    public class TestMain {

            public static void main(String[] args) {
                    Lexicon lexicon = new XMLLexicon();
                    NLGFactory nlgFactory = new NLGFactory(lexicon);
                    Realiser realiser = new Realiser(lexicon);
            }

    }

Figura 1: Clase Java lista para utilizar a libraría SimpleNLG-gl

Neste momento xa se pode utilizar a libraría para xerar oracións. Hai máis exemplos de uso da libraría dispoñibles revisando os arquivos .java na carpeta test.

Xerar o tipo de frase máis simple en SimpleNLG-gl

Imos crear o tipo máis simple de frase que permite SimpleNLG-gl: texto enlatado, isto é, unha cadea que queremos que se mostre tal e como se introduce. Por exemplo, se escribimos un programa que toma a entrada dos usuarios e xera un parágrafo distinto dependendo das entrada pero no que a primeira liña sempre é igual (por exemplo: “O meu can é feliz.”). O código necesario é o seguinte:

    NLGElement s1 = nlgFactory.createSentence("o meu can é feliz");

Agora necesitamos utilizar o Realiser para xerar a saída da cadea:

    String output = realiser.realiseSentence(s1);
    System.out.println(output);

É importante saber que unicamente é preciso crear o Lexicon, NLGFactory e Realiser unha única vez dentro do programa; non é necesario crealos para cada frase que se queira xerar. Polo tanto, unha boa idea é crealos ao inicio do programa e utilizalos durante a súa execución. De feito, si o lexicón empregado contén un elevado número de elementos, cargalo cada vez que se xere unha frase pode aumentar notablemente o tempo de execución da realización lingüística.

Pasos necesarios para xera una oración más complexa

O exemplo anterior é a forma máis sinxela de crear unha oración. Neste apartado veremos como utilizar SimpleNLG-gl para realizar a maioría do traballo. É importante recordar que é bastante flexible e hai varias formas de xerar oracións. No nivel máis baixo, SimpleNLG-gl entende que unha oración está utilizando una clase denominada SPhraseSpec, accesible mediante NLGFactory empregando o método createClause. Aos conceptos de 'frase verbal', 'frase nominal', 'frase preposicional', 'frase adxectiva’ e 'frase adverbial' tamén se pode acceder a través de NLGFactory, usando createVerbPhrase, createNounPhrase, createPrepositionPhrase , etc. Estes métodos devolven clases con nomes similares - VPPhraseSpec, NPPhraseSpec, PPPhraseSpec, AdjPhraseSpec e AdvPhraseSpec.

Para construír unha oración utilizando as clases de SimpleNLG-gl, normalmente hai que seguir estes pasos (explicados de forma máis detallada nas Seccións V e seguintes):

• Crear unha instancia de NLGFactory.
• Crear a oración empregando o método createClause de NLGFactory. Este método devolve unha instancia de SPhraseSpec.
• Crear un suxeito, un verbo e un complemento directo usando os métodos createVerbPhrase e createNounPhrase de NLGFactory. (Estes métodos devolven instancias de VPPhraseSpec e NPPhraseSpec).
• Opcionalmente, crear frases preposicionais, frases adxectivas e adverbios empregando os métodos createPrepositionPhrase, createAdjectivePhrase e createAdverbPhrase de NLGFactory. (Estes métodos devolven instancias PPPhraseSpec, AdjPhraseSpec e AdvPhraseSpec).
• Indicar o papel que as partes do discurso desempeñarán na frase. Por exemplo, especificar que unha frase substantiva é o suxeito da oración e outra frase nominal é o complemento directo, utilizando setSubject e setObject. Especificar o verbo usando setVerb e un complemento (por exemplo, unha frase preposicional) empregando addComplement.
• Crear un obxecto SimpleNLG denominado Realiser.
• Pedir ao Realiser que transforme a instancia de SPhraseSpec nunha cadea sintacticamente correcta.

Finalmente obtense unha cadea de texto que é unha frase ou oración e que se pode tratar como calquera outra cadea de texto de Java. Hai que ter en conta que este é o enfoque máis detallado xa que se pode utilizar setSubject, setVerb, etc., pasando a estes métodos cadeas de texto simples como argumentos. A non ser que se queiran xerar estruturas máis complexas, non é preciso especificar que un suxeito é un NPPhraseSpec ou que un verbo é un VPPhraseSpec. Consultar a Sección V para ver un exemplo de código Java real utilizado para xerar unha oración.

A continuación móstrase unha táboa coas principais partes do discurso que pode xerar SimpleNLG-gl.

Parte o discurso	Tipo de frase	Exemplos	Método
Suxeito	Frase nominal	"o neno"	setSubject()
Verbo	Frase verbal	"deu"	setVerb()
Complemento directo	Frase nominal	"un regalo"	setObject()
Complemento indirecto	Frase preposicional	"ao can"	setIndirectObject()
Complementos	Frase preposicional	"no parque"	addComplement()
	Cláusula "que"	"que Sara ve a Xoan"
	Frase adxectiva	"encantado de coñecerte"
	Frase adverbial	"moi rápido"
Modificadores	Cláusula "que"	"a rapaza que coñecía"	addModifier()
	Frase adxectiva	"bonita"
	Frase adverbial	"rapidamente"
Táboa 1: As partes do discurso que SimpleNLG-gl pode empregar. Os modificadores e artigos engádense a outras frases, o resto e compoñentes engádense a unha oración.

---

[1] Unha libraría ou API é unha colección de métodos/funcións que se poden utilizar en outros programas. Isto evita que os programadores teñan que escribir ese código.