Adding kjp/2024-04

src/kjp/2024-04/01/01.md

@@ -0,0 +1,18 @@
+---
+title:  ဆၧနဲၪ့လဖၪလၧအနဲၪလၩ့ဖၧၩ့၁ၭ
+date:   28/09/2024
+---
+
+### ဖီလနွ့ၫယီၩအဂးဆၧမၩလိၪ
+ယီဟၫ့ ၂း၁-၁၁; ယီဟၫ့ ၄း၄၆-၅၄; ယီဟၫ့ ၅း၁-၁၆; မၫကၧၭ ၃း၂၂, ၂၃; မၭ၁ုၫ ၁၂း၉-၁၄; ယီဟၫ့ ၅း၁၆-၄၇.
+
+> <p>၁နိၫထီၫ့</p>
+> “ဆၧလၩ့လၭလၧအဂူၫဂၩ လၧအလကွ့ၭဘၪအ၁ၭလၧလံၬယီၩ အဖၧၩ့, ယ့ၫရှူၬမၩ၀့ၫလၧအထံၩအဖျဲ၁ံၪအမ့ၬယၫအၪမံၩ့လီၫ. ဘဲၫ၁ိၭ န၁ံၪမိနဲၩလၧယ့ၫရှူၬမွဲဎရံၬ, ယွၩအဖိၪခွၫနီၪ, န၁ံၪနဲၩဆၧအကၠီၩ့တၭ, န၁ံၪမိန့ဘၪဆၧမၧၫ့ လၧယမံၩ့အဖၧၩ့နီၪ, ဆၧလဖၪယီၩဘၪဆၧကွ့ၭ အ၁ၭလီၫ” (ယီဟၫ့ ၂၀း၃၀, ၃၁).
+
+ဘၪမွဲနီၪစယီဟၫ့ကွ့ၭဆၧ၁ၭထိၬအပရၧၫ့ယီၩနီၪလဲၪ. မွဲအ၀့ၫမိထုၭဖျီၪ လၩ့ဆၫ့ဒၪယ့ၫရှူၬအဆၧမၩလၩ့လိလၩ့လၭလဖၪလီၫဧၪ. မွဲအထုၭဖျီၪလၩ့ဆၫ့ ယ့ၫရှူၬအဆၧ၁ီၪ့ဆၧ၁ၫ့အလၩ့ထံးလမံၩ့မံၩ့ဧၪ. အ၀့ၫကွ့ၭလံၬယီၩ မွဲလၧဆၧနီၪ အဂးလဲၪ.
+
+စယီဟၫ့အဆၧလီၩနၪ၁့ၪလီၩဖျီၪပျၩ့ဆၧနီၪ လၧ၁ၭမုဆံၫ့ဎံၪအဆၧထိၪဂု ထိၪဂဲၩဒဲအစီၩ့အမၩ့ဖၧၩ့လီၫ. အ၀့ၫစံၭလၧ ကဆါဎရံၬအဆၧအီၪမၧၫ့အီၪဂဲၩ အဂဲးနီၪ ပမိဘၪကွ့ၭနဲၪ့အီၪဒံၭအၪမၬလ့ၬ လါနၫ့ဂ့ၩ (ယီဟၫ့ ၂၁း၂၅), ဆၧမၩ အ၁ၭ၁ံၪလၧအ၀့ၫကွ့ၭထၬ၀့ၫလဖၪအဖၧၩ့ ဆၧချဲၩ့လၩ့ထံးလမံၩ့နီၪဘိၩ “ဘဲၫ၁ိၭ န၁ံၪမိနဲၩလၧယ့ၫရှူၬမွဲဎရံၬ, ယွၩအဖိၪခွၫနီၪ, န၁ံၪနဲၩဆၧအကၠီၩ့တၭ, န၁ံၪ မိန့ဘၪဆၧမၧၫ့လၧအမံၩ့အဖၧၩ့နီၪ, ဆၧလဖၪယီၩဘၪဆၧကွ့ၭအ၁ၭလီၫ” (ယီဟၫ့ ၂၀း၃၁).
+
+လနွ့ၫယီၩ ပမိယိထၪ့ဆၧလၧစယီဟၫ့အဆၧကွ့ၭအဖၧၩ့ လၧယ့ၫရှူၬ အဆၧမၩလၩ့လၭလၧအ၁ၫ့အခၪ့ထံၭလနၩ့နီၪ - ဒုၭကဲၪထၪ့ထံၫနီၪလၧ စဘံၭ၁- အထံၫလၧဆၧအီၪဎုၬအမူၭနီၪ, ဒုၭအီၪဆီၪ့ထၪ့ထဲၩ့ၦလဂၩအဖိၪခွၫလၧအဘၪ ဆၧဆၫနီၪ, မၩဘျၪထဲၩ့ၦလဂၩလၧကမၫဘ၁့ၭစဒၫနီၪလဖၪလီၫ.
+
+စယီဟၫ့ကိၭဆၧမၩလၩ့လၭလဖၪယီၩလၧ “ဆၧနဲၪ့၁ံၪ” နီၪလီၫ. မွဲဘဲၫဆၧအီၪက့ၪနဲၪ့ထၬဆၧလမံၩ့မံၩ့လၧဖၧၩ့၁ၭနဲၩ့ထံၭလဖၪနီၪအ့ၬ, မွဲ၀့ၫဒၪဆၧမၩလၩ့လိ လၩ့လၭလဖၪလၧ အဖ့ၪနဲၪဆၧမၩအ၁ၭတၡါလၧအကၧၩ့ဒိၪလဖၪနီၪ, ယ့ၫရှူၬမၩ ဘဲၫအမွဲမစဲအၫအ၁ိၭလီၫ. ဆၧထီးအလူၬလဖၪယီၩ, ပဒၪဘၪလၧဆၧအဒီၩ့ အထ့ၬလၧၦဒိၭန့ဘၪဆၧစံၭဆၧၫ့ထဲၩ့ဆၧလၧဆၧနဲၩအဖၧၩ့နီၪလီၫ. ဒဲအ၀့ၫ၁ံၪ အဆၧအဒီၩ့အထ့ၬနီၪ ကိၭန့ပၧၩလၧပကမၩဘၪဘဲၫအ၀့ၫ၁ံၪမၩ၀့ၫအ၁ိၭနီၪလီၫ.

src/kjp/2024-04/01/02.md

@@ -0,0 +1,22 @@
+---
+title:  ဆၧအီၪဎုၬအမူၭလၧကၫနၫ
+date:   29/09/2024
+---
+
+`ဖီ ယီဟၫ့ ၂း၁-၁၁. လၧကၫနၫနီၪ ယ့ၫရှူၬမၩဆၧနီၪလဲၪ, ဒဲဆၧမၩအ၁ၭနီၪ ဖ့ၪလၫ့အထံၩအဖျဲ၁ံၪလၧ ဆၧနဲၩန့အ၀့ၫဘဲၫ၁့ၪလဲၪ.`
+
+လၧအ၀့ၫ၁ံၪဒၪဘၪ ယ့ၫရှူၬမၩဆၧလၩ့လၭလၧထံၫနီၪ ကဲၪထၪ့ခွံၬ စဘံၭထံၫတၭ အထံၩအဖျဲ၁ံၪနဲၩအ၀့ၫဒဲ အီၪက့ၪအုၩ့လၩ့၁ၭလၧမိဖိၬထၪ့ယ့ၫရှူၬ အခဲၫ့ထီးနီၪလီၫ. ဆၧနီၪအ့ၪလမွဲဘၪဆၧအစီၩ့အမၩ့လၧမူၭခိၪနီၪ မိမွဲဆၧနီၪလဲၪ. (ဘၪလဘၪအ၀့ၫ၁ံၪ လ၁့ၪယၫဘၪယ့ၫရှူၬနီၪ မွဲကဆါယွၩဘၪနီၪလီၫ.
+
+စမိစ့ၭမွဲၦအံၫစရ့လၭဖိၪ၁ံၪအခိၪအနါလဂၩ, ဒဲဂဲၫထဲၩ့ကိၭန့အ၀့ၫ၁ံၪလၧ ခးအံဇံၭခၫ့ဖျီၫ့ “လၧဆၧနဲၪ့လဖၪဒဲဆၧလၩ့လၭလဖၪ” အၪမံၩ့လ့ၬလီၫ (၅မိ ၆း၂၂; ၅မိ ၂၆း၈). ကဆါယွၩမၩန့အ၀့ၫလၧ ဆၧမၩဖီၩ့ဖျ့ၭၦအံၫစရ့လၭဖိၪ၁ံၪလၧ ၦခးအံဇံၭဖိၪ၁ံၪအစူၪဖၧၩ့နီၪလီၫ. (ၦမိစံၭအ၀့ၫလၧ အ၀့ၫ၁ံၪ “အဆၧထိးထဲၩ့တၩ့ထဲၩ့အကဆါ” နီၪလီၫ.)
+
+ဆၧစံၭ၀ဲၩဆၧအီၪ၀့ၫဒၪ မီၪဘဲၫ၁ိၭစမိစ့ၭလဂၩ မိဂဲၫအီၪထၪ့၀့ၫဒၪနီၪလီၫ. ကဆါယွၩဒုၭ၁့ၪယၫ၀ဲၩအ၀့ၫ၁ံၪလၧမီၪနီၪအဂဲးဆ့လီၫ (၅မိ ၁၈း၁၅; မၭ၁ုၫ ၁၇း၅; မၩဆၧ ၇း၃၇). “မီၪ” ၀့ၫဒၪနီၪမွဲယ့ၫရှူၬဒဲ, လၧယီဟၫ့ ၂ အဖၧၩ့နီၪ, ယ့ၫရှူၬဖ့ၪနဲၪအဆၧနဲၪ့အခၪ့ထံၭလထံၪ, လၧအဖ့ၪနဲၪထဲၩ့ဆၧမၩဖီၩ့ဖျ့ၭ ၦအံၫစရ့လၭဖိၪ၁ံၪလၧခးအံဇံၭအဖၧၩ့နီၪလီၫ.
+
+ထံချိၬနဲၩလ် (Nile River) နီၪမွဲၦအံဇံၭဖိၪ၁ံၪအဂဲးဘၭအ၀ံအစၧၩ့ဒဲအီၪက့ၪ ဒိၪ၀့ၫဘဲၫကလိၭကလၬအ၁ိၭလီၫ. ဆၧၡၪ့ဆၧနၭဆံၫမံၩ့လၧခးအံဇံၭအကျၩနီၪ ထံၫချိၬထံၫကဲၪထၪ့ခွံၬဆၧ၁ွံၪ. အ့ၪမွဲလၧခၫနၫနီၪ, ယ့ၫရှူၬဒုၭကဲၪထၪ့ထံၫနီၪ လၧစဘံၭထံၫနီၪလီၫ.
+
+ထံၫလၧဖၧၩ့လိးဎူၫဖျိၪ့အဖၧၩ့နီၪ ဘဲၫအထူၫအရှူၫအီၪအ၁ိၭ အ၀့ၫ၁ံၪမၩန့ ၀့ၫလၧဆၧ၁ူၫ၀ၭဆံၫ့အဂး, ဆုးကျိၭထဲၩ့ဆၧအခီၫပယီၫလၧလံၬဆံၫ့ဎံၪအဖၧၩ့နီၪ မွဲဆၧထိးတၩ့ထဲၩ့အဂဲးအဖးလီၫ. ထီးပယိထဲၩ့ဆၧမၩအ၁ၭထံၫကဲၪထၪ့စဘံၭ အထံၫနီၪ, လၧအနဲၪစိၩထဲၩ့ ၂မိစ့ၭအထီအဆၧမၩအ၁ၭနီၪတၭ, စယီဟၫ့ဖ့ၪနဲၪ ပၧၩလၧ ယ့ၫရှူၬမွဲပၦမၩဖီၩ့ဖျ့ၭပၧၩလဂၩနီၪလီၫ.
+
+ၦမူၭအခိၪနီၪ ဆီၫ့မီၪ့စဘံၭအထံၫအ၁ၫ့လၧယ့ၫရှူၬမၩကဲၪထၪ့န့၀့ၫနီၪဘဲၫ ၁့ၪလဲၪ. အ၀့ၫအ၁ၭဖးထၪ့ (ထီၫမံၫထီၫမၪ) တၡါလၧ အလ၁့ၪယၫ၀့ၫဘၪ စဘံၭအထံၫယီၩ မွဲအဂဲၫအထံၭခီၫခီၫလဲၪနီၪ, ဒဲဆီၫ့မီၪ့၀့ၫလၧၦ၁ံၪလဖၪနီၪ အီၪက့ၪထးဆၧအဂ့ၩထုၬလၧအလးခဲၫ့နီၪလီၫ.
+
+ၦဂြံစၭဖိၪ၁ံၪအဆၧချဲၩ့ဖျိၪ့ သငညသျ စံၭ၀့ၫထီးယီၩလၧ စဘံၭအထံၫအ၁ၫ့မွဲဂ့ၩ ဒဲအလးလံၩလၧအဆဲၫ့ထၪ့မွဲဂ့ၩနီၪ (ယိလၧ The Seventh-day Adventist Bible Dictionary, p. 1177). Ellen G. White စံၭ၀့ၫလၧ စဘံၭထံၫလၧ အဂဲၫကဲၪထၪ့လၧမၩလၩ့လၭနီၪ မွဲဘဲၫ၁ံၭထံၫဂၬထံၫအ၁ိၭနီၪ မွဲအ့ၬ (ယိလၧ "At the Marriage Feast," The Desire of Ages, p. 149). ၦလၧအ၁့ၪယၫ ၀့ၫလၧဆၧမၩအ၁ၭထီးနီၪလဖၪနီၪ ထီၫမံၫထီၫမၪ၀့ၫကိၭဂၩဒ့ၭလီၫနီၪ ပဘၪ လီၩဆၧအလးအီၪအ့ၬ.
+
+`နဖိၬယ့ၫရှူၬအခဲၫ့နီၪ မွဲလၧဆၧနီၪလဲၪအဂးလဲၪ. (ဆၧဂဲးဆၧဖး အီၪအၪမံၩ့လ့ၬ, မွဲအ့ၬဧၪ.)`

src/kjp/2024-04/01/03.md

@@ -0,0 +1,20 @@
+---
+title:  ဆၧနဲၪ့လၩ့လၭနံၫမံၩ့လမံၩ့လၧဂၫလလံၫအဖၧၩ့
+date:   30/09/2024
+---
+
+ယ့ၫရှူၬအဆၧမၩလၩ့လၭ လၧအဆၧဖံၭဆၧမၩလးလၧဂၪ့ခိၪယီၩ ထၧၫ့ထီ ယၫအဖၧၩ့လဖၪနီၪ ဒုၭကဲၪထၪ့ၦၡၩခမျၧး၁ံၪဆူနဲၩအ၀့ၫနီၪလီၫ. စယီဟၫ့ ကွ့ၭနဲၪ့ထၬဆၧမၩလၩ့လၭ၁ံၪလဖၪနီၪ မွဲလၧၦဂူၫဂၩ၁ံၪမိနဲၩထဲၩ့အ၀့ၫအဂးဆ့ လီၫ.
+
+`ဖီ ယီဟၫ့ ၄း၄၆-၅၄. ဘၪမွဲနီၪဆၧလီၩလၩ့လၬလၩ့ဆၧအဆၧမၩ ဘၪဆုးကျိၭထဲၩ့ဆၧလၧ ဆၧအီၪဎုၬအမူၭအဆၧလၩ့လၭနီၪလဲၪ.`
+
+လၧဆၧနဲၪ့လၩ့လၭနံၫမံၩ့လမံၩ့ လၧယ့ၫရှူၬမၩ၀့ၫလၧဂၫလလံၫအဖၧၩ့နီၪ, စယီဟၫ့နဲၪစိၩထဲၩ့ဆၧလၩ့လၭအခၪ့ထံၭလမံၩ့နီၪ, လၧဆၧအီၪဎုၬအမူၭလၧ ကၫနၫနီၪလီၫ. စယီဟၫ့မိလီၩဆၧနီၪ, ဆၧနဲၪ့လၧယ့ၫရှူၬမၩ၀့ၫနီၪ မွဲဆၧအနဲၪ ဖျီၪလၩ့အ၁ၭလၧနမိ၁့ၪယၫဘၪအ၀့ၫလၧမပၫလဲၪနီၪလီၫ. ထီးနီၪလဖၧၫ့, စယီဟၫ့စံၭ၀့ၫဒီၭ, “ယ့ၫရှူၬဂဲၫထၪ့ခွံၬ လၧခးယုဒၫထီၩ့လၧဂၫလလံၫအဖၧၩ့နီၪ, မၩလၩ့လၭဒီၭဆၧလမံၩ့ယီၩ, မွဲနံၫမံၩ့လမံၩ့လီၫ” (ယီဟၫ့ ၄း၅၄).
+
+အ၁ၫ့, လၧယ့ၫရှူၬအဆၧစံၭဆၧၫ့ထဲၩ့ ၦဒိၪလဂၩအဆၧအၪ့ယၫဆၧနီၪ ဖျီၪဘဲၫဆၧချဲၩ့အဆီၪ့အ၁ိၭလီၫ. လါနၫ့ဂ့ၩ, ၦဒိၪ၀့ၫဒၪနီၪ မၩဘျၪထဲၩ့အဖိၪအဆၧ ဆၫ လၧအ၀့ၫအဆၧနဲၩဘၪယ့ၫရှူၬအဖၧၩ့နီၪလီၫ. ယ့ၫရှူၬဒၪအ၀့ၫအ၁ၭဒဲဖ့ၪနဲၪ ဆၧအဂဲးလၩ့ထံးလၧနး၁ၭအဆၧဆၫနီၪ (ဘၪထွ့ၫလၧဆၧနဲၩ) အလယၧးဎၧၫ့ ၀့ၫဒိၪနဲၪအ၀့ၫအဖိၪခွၫအ၁ၭမၧၫ့ - အဆၧစူၭဆၧဆၫလၧအလၩ့၁ၭမဲၪနီၪဒံၭလီၫ. မၩအ၁ၭဘဲၫလၫ့၀ဲဒံၭဖျိၭထၪ့လၧမူၭခိၪအ၀ၩ့နီၪ, ၦဒိၪ၀့ၫဒၪနီၪ၁့ၪယၫလၩ့ထဲၩ့ အ၁ၭအဆၧဂဲးဆါဘၭဆါနီၪ အလုအဎွ့ၩအီၪ၀့ၫဖိၭဘိၭအဖိၪခွၫအ၁ၭမၧၫ့လ့ၬနီၪ လီၫ.
+
+ဆၧအကၧၩ့ဒိၪလၧပဘၪ၁့ၪယၫလမံၩ့နီၪ န့ၫဆၧမၩလၩ့လၭလမံၩ့လီၫနီၪ ထုၭဖျီၪယ့ၫရှူၬမွဲမစဲအၫ၁့ၪအ့ၬ. ၦဂူၫဂၩဆ့မၩဆၧလၩ့လၭ၁့ၪဆ့လီၫ. ၦလနၩ့နၩ့နီၪ မွဲမီၪအတီၩလဖၪ, ဒဲလနၩ့နၩ့နီၪအဘျၪအီၪဆ့လီၫ. ဆၧမၩလၩ့လိလၩ့လၭဆၧနီၪ မွဲဒၪဆၧကဲၪထၪ့၁ၭလၧအဖျီးထၪ့ခွံၬန့ဆၧၫ (supernatural) လီၫ, မွဲဆၧထိး အ၁ၭလၧ ကဆါယွၩမိဘၪမၩ၀့ၫနီၪမွဲအ့ၬ. (မုၪခီၩလဲးဆ့မၩ “ဆၧလၩ့လၭ” ၁့ၪ၀့ၫဒၪလီၫ.)
+
+ၦဒိၪထီးနီၪလဂၩနီၪ လၧဆၧအဲၪဒိၭနၭနၭလ့ၬအဖၧၩ့ ခွံၬလၩ့အ၁ၭလၧ ယ့ၫရှူၬအဆၧယၫ့၁ၭအလီၩ့, အၪ့ယၫဆၧလၧကဆါမိမၩဘျၪထဲၩ့အဖိၪခွၫနီၪ လီၫ. ယ့ၫရှူၬအဆၧစံၭဆၧၫ့ဆၧနီၪအီၪ၀့ၫလၩ့ထံးလီၫ. အ၀့ၫစံၭ၀့ၫဒၪ, “ထဲၩ့ကဒၪဘီၪ, နဖိၪခွၫမၧၫ့၀့ၫလီၫ” (ယီဟၫ့ ၄း၅၀). ယ့ၫရှူၬလီၩဆၧချဲၩ့လၧ “မၧၫ့၀့ၫလီၫ” နီၪ အခီၫပယီၫအီၪ၀့ၫလၧ ဆၧမိမၩအ၁ၭဒဲဆၧမၩအ၁ၭ၀့ၫနီၪလီၫ. ၦဒိၪ၀့ၫဒၪနီၪထဲၩ့စဲၪ့လၧဂံၪ့အဆိၫအချဲၫ့အ့ၬ, အ၀့ၫနဲၩယ့ၫရှူၬ, ထဲၩ့ထဲၩ့၀့ၫလၧ ခဲၫ့လနံၩနီၪ - ဒဲ၁့ၪယၪဘၪ၀့ၫလၧအဖိၪခွၫအဆၧဆၫနီၪဘျၪထဲၩ့၀့ၫလၧ အထီဘၪလၧယ့ၫရှူၬစံၭအ၀့ၫ “မၧၫ့၀့ၫလီၫ” အထီလၩ့ထံံးထီးနီၪလီၫ.
+
+ဆၧနဲၩန့ဘၪယ့ၫရှူၬနီၪ မွဲဆၧအဂဲးအဖးအီၪလၧအစီၩ့အမၩ့ဖၭဒိၪလီၫ.
+
+`အ့ၪမွဲပကြၨၭဒၪဘၪဆၧမၩလၩ့လၭဒၪလ့ၬနီၪ, ပမိဘၪ၁့ၪယၫ၀ဲၩ မွဲဆၧနီၪလဲၪ လၧဆၧနီၪအီၪဂဲၫလၧကဆါယွၩအအီၪနီၪလဲၪ.`